Paranormal

İran bu sahədə də uğursuzluğa düçar oldu - - FOTO

15 Yanvar 2019 13:45

İran kosmos sahəsində uğursuzluğa düçar olub.

Publika.az xəbər verir ki, "Peyam" (Mesaj) adlı kosmik peyk yerli vaxtla 4 radələrində "İmam Xomeyni Kosmik Bazası"ndan kosmosa göndərilib. Lakin peykin daşıyıcısından ayrılmaq sürəti kifayət qədər olmayıb. Buna görə də son mərhələdə peyk Yerin orbitinə yerləşə bilməyib.

Bu barədə İranın rabitə və informasiya texnologiyaları naziri Məhəmməd Cavad Azəri Cəhromi
məlumat verib. Nazir bildirib ki, peyk daşıyıcısından uyğun sürətdə ayrıla bilməyib.

Qeyd edək ki, İran iki həftə öncə 90 kq ağırlığındakı mülki məqsədli “Peyam” (Mesaj) və “Dusti” (Dostluq) adlı kosmik peyklərini “Simurq” peyk daşıyıcısı raketindən istifadə edərək kosmosa göndərəcəyini açıqlamışdı.

Zümrüd