Məşhur münəccimlərin koronavirusla bağlı PROQNOZLARI

Son zamanlarda bir çox elm adamı və həkimlər koronavirusun təsirinin nə zaman zəifləyəcəyi tarixi dilə gitirirlər.

Publika.az xəbər verir ki, bununla bərabər aparıcı dünya münəccimləri də kənarda qalmayaraq bundan sonra göy cisimlərinin yerləşməsi baxımından hesablamalar apararaq pandemiya ilə bağlı baş verəcəyini müəyyən etməyə çalışıblar.

V-kosmose.com portalına görə, Hindistanlı münəccim Aşiş Mehta bu gün - 24 mart 2020-ci il tarixindən pandemiyada müəyyən zəifləmə baş verəcəyini bildirib. Məhz bu gün planetlər əlverişli mövqe tutacaqlar.

Bu, xüsusilə 30 martda nəzərə çarpacaq. Bəli, bəlkə də, bu cür proqnozlar həqiqət payından məhrum deyil. Elə bu fakta nəzər yetirməyə dəyər: məhz bu gün məlum oldu ki, Çin martın 25-də Hubeydə karantini ləğv edəcək.

Mehta əlavə edib ki, 13 aprelə qədər koronavirus üçün dərmanlardan biri təsdiqlənəcək və dünya tədricən öz adi həyatına qayıtmağa başlayacaq.

BƏƏ-dən olan münəccim Açarya Sandip Bharqava isə sabitliyin yalnız mayın 11-dən sonra gələcəyini düşünür. Hind münəccim Upendra Şastri isə koronavirus pandemiyasının başlanğıcını keçən il noyabrın 5-də Yupiter Oxatan evinə girəndə gördüyünü deyib.

İndi Yupiter Oğlaq evindədir və iyunun 30-dək orada qalacaq. Yalnız bundan sonra zəifləyən bir pandemiya gözləmək olar. Sonra Şastrinin sözlərinə görə, pandemiyaya aid bir dərman tapılacaq.