Qarabağ

Türkiyə Qarabağa belə gələcək - Kurtulmuşdan XOŞ XƏBƏR

12 Dekabr 2020 14:41

Türkiyə Qarabağın yenidən canlandırılması və ayağa qaldırılması üçün hər zaman olduğu kimi bundan sonra da Azərbaycanın yanında olmağa davam edəcəkdir.

Publika.az xəbər verir ki, bunu Türkiyə Ədalət və İnkişaf Partiyasının Vitse-prezidenti Numan Kurtulmuş deyib.

O, Azərbaycanın qətiyyəti və Türkiyənin hər sahədə Azərbaycana verdiyi böyük dəstəyi nəticəsində Qarabağın 1,5 ay ərzində ermənilərdən təmizləndiyini xatırladıb: “Böyük zəfər əldə etdilər. Azərbaycan Prezidenti Cənab İlham Əliyevin liderliyində aparılan bu böyük mübarizədə zəfər qazanan Azərbaycan ordusunu ürəkdən təbrik edirəm. Böyük bir xəyal və hədəf beləliklə gerçəkləşmiş oldu. Bundan sonra Azərbaycanın işğaldan azad etdiyi və qiyamətə qədər Azərbaycan olaraq qalacaq Qarabağın yenidən inşası ilə bağlı proses başlayacaq”.

N.Kurtulmuş Naxçıvan-Bakı quru yolunun, eyni zamanda, Ədirnə-Bakı əlaqəsinə yol açacağını qeyd edib.

Zümrüd