“Human Rights Watch”un bunu təsdiq etməsi diqqətəlayiqdir - Professor
Bizi izləyin

Qarabağ

“Human Rights Watch”un bunu təsdiq etməsi diqqətəlayiqdir - Professor

“Müharibə başlanandan Azərbaycan Respublikasının Baş Prokurorluğu istər dinc əhalinin gülləbaran edilməsi, istər əsassız müharibə arealının genişləndirilməsi, istərsə də təbiətimizin və ekoloji mühitin pozulması, eləcə də mədəniyyət abidələrimizə qarşı dağıdıcı üsullardan istifadə edilməsi ilə bağlı materiallar toplayır. Bu materialların toplanmasının əsas məqsədi ondan ibarətdir ki, gələcəkdə Ermənistan dövlətini beynəlxalq məhkəməyə verək və bizə dəymiş ziyanın ödənilməsini ondan tələb edək”.

Publika.az xəbər verir ki, bu sözləri Azərbaycan Respublikasının Prezidenti yanında Dövlət İdarəçilik Akademiyasının Hüquq kafedrasının müdiri, hüquq elmləri doktoru, professor İsaxan Vəliyev deyib. Professor bildirib ki, toplanan materiallar içərisində ən önəmlisi qadağan olunmuş silahlardan istifadə edilməsi və bunun dinc əlahiyə qarşı yönəlməsidir.

“Qadağan olunmuş silahların istifadəsi müharibə qanunlarının pozulmasıdır. Şübhəsiz ki, Azərbaycanda bu faktla bağlı kifayət qədər material var və gələcəkdə bunlardan fakt kimi istifadə olunacaq. “Human Rights Watch” kimi beynəlxalq təşkilatın bunu təsdiq etməsi xüsusilə diqqətəlayiqdir. Beynəlxalq məhkəmə gələcəkdə bundan da sübut kimi istifadə edəcək. İnanırıq ki, qadağan olunmuş silahdan istifadə edən şəxslər beynəlxalq məhkəmə qarşısında cinayət məsuliyyətinə cəlb olunacaq. Eyni zamanda dəymiş ziyanın ödənilməsi üçün də bu faktlar əsas götürüləcək”.

Aytən Məftun

Oxumağa davam et
Reklam
Reklam

Gündəm