Qarabağ

Minaların təmizlənməsində erməni hərbçilərindən istifadə etməliyik - Professor

5 İyun 2021 10:08

Jurnalistlərin və digər mülki şəxslərin minaya düşərək həlak olması hamımızı məyus edir. Müharibədə məğlub olmuş tərəfin özünü bu şəkildə həyasızlıqla aparması dünyada nadir hadisələrdəndir.

Publika.az xəbər verir ki, bunu media eksperti, professor Qulu Məhərrəmli özünün sosial şəbəkədəki rəsmi səhifəsində yazıb.

Professor qeyd edib ki, minalanmış ərazilərin xəritəsinin verilməməsində Ermənistan hərbçilərinə təsir imkanı olan Rusiya da riyakar mövqe tutur: "Moskva bu məsələdən Azərbaycana qarşı təzyiq kimi istifadə etməyə çalışır. Azərbaycan bununla bağlı beynəlxalq təşkilatlara müraciət etməli, xəritənin verilməyəcəyi təqdirdə əks-tədbirlər görməli, o cümlədən xüsusi minalama taktikasından bəhrələnməlidir. Həmçinin beynəlxalq təcrübəyə uyğun olaraq minalı ərazilərin təmizlənməsində həbsdəki erməni hərbçilərindən istifadə etməlidir! Azərbaycanın dinc vətəndaşlarına qarşı mina terroruna son qoyulmalıdır!".

Tural Turan