Babayan Xankəndinə gəldi: ermənilərə zülm edir

Qarabağda separatçı-terrorçu rejimin keçmiş “müdafiə naziri”, I Qarabağ müharibəsində azərbaycanlılara qarşı qətliamların iştirakçısı Samvel Babayan iki aya yaxındır Xankəndindədir.

Publika.az xəbər verir ki, bu barədə “Hrparak” nəşri yazıb.
Nəşr yazır ki, Samvel Babayan Qarabağda ermənilərin yaşadığı ərazilərdə ət bazarını ələ keçirməyə çalışır.
“Qarabağa ətin gətirilməsini müharibədə ölən hərbçilərdən birinin qardaşı həyata keçirir. Lakin Babayan Xankəndinə köçəndən sonra Ermənistandakı əlaqələrindən istifadə edərək, ət bazarını ələ keçirməyə çalışır, hətta buna görə hazırda bu sahəyə baxan şəxslə mübahisə də yaşanıb.

Daha sonra məsələni sakitləşdiriblər və hazırda ət bazarına Babayan baxır. Əhali isə son vaxtlar ətin keyfiyyətindən şikayətlənir. Məsələ ilə bağlı Babayandan heç nə öyrənə bilmədik. Lakin əhali bildirir ki, hazırda çətin vəziyyətin olmasına baxmayaraq, bəzi məmur və komandirlər pul qazanmaq haqqında düşünür”, - nəşr yazır.

Qeyd edək ki, Babayanın separatçı-terrorçu rejimin yeni “rəhbəri” ola biləcəyi haqda da məlumatlar var.

Asif