Sərhəddə döyüş: Ermənistan ağır itkilər verir

Ermənistanın Gorusun Dığ kəndindən (Tex) Laçın istiqamətində atəşkəsi pozması nəticəsində sərhəddə gərginlik başlayıb, şəhid və yaralılarımız var: Müdafiə Nazirliyinin rəsmi məlumatında “ordumuzun bölmələri tərəfindən adekvat cavab tədbirləri görülür” qeydi döyüşün davam etdiyi deməkdir;

Ermənistan Müdafiə Nazirliyi itki və yaralılarının olduğunu açıqlayıb. Ermənistan mediası isə ilkin məlumata görə 6-ya qədər canlı itki verdiklərini, çoxsaylı yaralılarının olduğunu, əraziyə 3 təcili tibbi yardım maşının getdiyini yazır. Yaralıların çoxluğu erməni tərəfinin itkilərinin sayının artacağı gözləntisini yaradır.

İrəvanın sərhəddə təxribata əl atacağı gözlənilən idi. Azərbaycan işğal dövründə ermənilərin irəli çəkdiyi dövlət sərhədini xəritələrə uyğun bərpa edir, Ermənistan isə buna qarşıdır. Paşinyan yeni Laçın yolunun istifadəyə verilməsindən sonra Laçın istiqamətində sərhədin 5 kilometr hissəsinin razılaşdırılmadığını açıqlamışdı. Ermənilər bu istiqamətdə təxribat hücumu edib. Baş verənlər İrəvana həm də Avropa İttifaqı missiyasına Azərbaycanı “şikayət etmək üçün” lazımlı idi.

Asif