Akopyanın açıqladığı əməliyyat: Xankəndinin təhvil verilməsinə hazırlıq gedir - VİDEO

Rusiya sülhməramlılarının müvəqqəti yerləşdiyi Azərbaycan ərazisindəki ermənilərin gələcəyə inamı hər keçən gün itir.

Publika.az xəbər verir ki, bu barədə separatçıların qondarma “parlamentində deputat” olan Matekse Akopyan deyib.

Onun sözlərinə görə, günün sonunda sabahın olacağına inam getdikcə azalır: “Qarabağda yaşayan ermənilərin əksəriyyəti belə düşünür. Azərbaycan Xankəndi ətrafında halqanı hər keçən gün daha da daraldır”.

Qondarma “deputat” Qarabağın Azərbaycana təhvil verilməsi əməliyyatının aparıldığını deyib.

“Müharibə birinci əməliyyat idi, indi ikinci əməliyyat gedir, bunu “Nikol əməliyyatı" adlandıra bilərik. “Banan, alma, kartof, benzin” ehtiyacları ilə ermənilərin yeni reallığı qəbul etməsinə hazırlıq gedir”, - Akopyan bildirib.

Qeyd edək ki, Azərbaycan Ordusunun son əməliyyatlarından sonra separatçıların xarici aləmlə - Ermənistanla əlaqələri tamamilə nəzarətə götürülüb. Rəsmi Bakı reinteqrasiya prosesinin başlanmasını tələb edir. Ermənilərin artıq alternativ yolu qalmayıb. Erməni əhalisi Bakı ilə təmasların qurulmasını istəsə də, separatçılar təzyiqlə bunun qarşısını alır. Lakin separatçıların dirəniş göstərmək gücü də hər keçən gün azalır.

Asif