Ermənistan “qızıl müharibəsi”nə başlayır: Zod təxribatının şok detalları üzə çıxdı

Ermənistanın Zod istiqamətində törətdiyi təxribatın səbəblərindən daha biri ortaya çıxıb: məqsəd Söyüdlü qızıl yatağının Azərbaycan ərazisindən “pay” əldə etməkdir;

Publika.az xəbər verir ki, erməni mediası Zod qızıl yatağının Ermənistanın nəzarətində qalan 26 faiz hissəsində ehtiyatların tükəndiyini, yataqda işlərin bir aydan artıqdır dayandığını yazır.

Ermənistan tərəfi yataqda işərin dayanmasını “Azərbaycanın hücumları” iddiası ilə bağlamağa çalışsa da, əsl səbəb istismar müddətinin başa çatmasıdır. Yatağın işləməməsi Ermənistan iqtisadiyyatına ciddi zərər verir.

- Mədəndə 800-dən çox işçi işsiz qalıb;
- Ermənistan iri vergi ödəyicisindən məhrum olur;
- Yatağın xammalı əsasında işləyən “Ararat” kombinatının da işi dayandırılacaq;
- Yatağı istismar edən “Geopproning” şirkətinə xidmət edən tikinti, mühafizə, idxal-təchizat və digər işləri görən onlarla, hətta daha çox şirkət də fəaliyyətini dayandıracaq;

“Hraparak” nəşri yazır ki, yatağın Ermənistanın nzəarətindəki hissəsini istismar edən “Geopproning” şirkəti avadanlığını da ərazidən çıxarıb.

Ermənistanın təxribat hücumunda əsas hədəflərindən biri də yatağın Azərbaycan hissəsindən “pay” ələ keçirmək və istismar prosesini davam etdirmək olub.

Asif