Qarabağ

Putin Soçidə Paşinyana Zəngəzur dəhlizi ilə bağlı nələr deyib?

14 İyun 2023 14:20

Rusiya prezidenti Vladimir Putin və Ermənistanın baş naziri Nikol Paşinyanın Soçi görüşündə üçtərəfli bəyanatın icrası müzakirə olunub.

Publika.az xəbər verir ki, bu barədə Ermənistan parlamentinin xarici əlaqələr komissiyasının rəhbəri Sarkis Xandanyan deyib.

Onun sözlərindən belə anlaşılır ki, əsas müzakirə mövzusu üçtərəfli bəyanatın 9-cu bəndi – Azərbaycanın Naxçıvana maneəsiz çıxışının təmin edilməsi olub.

“Rusiyanın iştirakı ilə aparılan danışıqlarda bu məsələ daim gündəmə gətirilir, bizim mövqeyimiz dəyişməz olaraq qalır. Zəngəzur dəhlizini Ermənistana qarşı ərazi iddiası olaraq qəbul edirik, bunu baş nazir Paşinyan da bildirdi. Mövqeyimiz dəyişmir”, - o deyib.

Qeyd edək ki, Ermənistan Zəngəzur dəhlizi ilə bağlı öhdəliyini icra etmir. Bu dəhlizdə əsas maraqlı tərəflərdən biri də Rusiyadır. İrəvanın mövqeyini təkcə Bakı yox, Moskva da qəbul etmir. Görünür, Putinlə Paşinyanın görüşündə də bu məsələ müzakirə edilib.

Asif