Qarabağ bitdi, indi Zəngəzurdur, Ermənistan Türkiyənin əyalətinə çevrilə bilər - ŞOK PROQNOZ - VİDEO

10:05

“Ərdoğan yenidən prezident seçildi və Türkiyənin Cənubi Qafqaz siyasəti dəyişməyəcək”.

Publika.az xəbər verir ki, bu barədə rusiyalı politoloq Yevgeni Satanovski deyib.

Onun sözlərinə görə, bu, Azərbaycanın Ermənistana təqdim etdiyi kifayət qədər sərt ultimatumda da özünü göstərir.

“Ərdoğan seçkidə qalib gəldi və o, Bakının ən yaxın müttəfiqidir. Qarabağ mövzusu və onun Ermənistana məxsusluğu iddiası artıq bağlanıb. Paşinyan bunu etdi. Ermənilər Qarabağda qalacaq, yaxud qalmayacaq, bu müəmmalıdır. Bundan başqa, Azərbaycan Naxçıvana maneəsiz keçid tələbində israrlıdır və bu, Zəngəzurun Ermənistanın nəzarətində qalıb-qalmayacağını da sual altında salır.

Paşinyan Rusiya hərbi bazasından və Qarabağdakı rus sülhməramlılarından xilas olmaq istəyir. Lakin buna baxmayaraq, onun Bakı və Ankara ilə niyə toqquşmaya getdiyi də suallar yaradır. Güman ki, bu, Paşinyanın ziddiyyətli şəxs olmasından irəli gəlir.

Ermənistan-Türkiyə münasibətlərinin normallaşması prosesi də bunun hansı formada olmasından asılıdır. Ermənistan siyasi baxımdan Türkiyənin əyalətlərindən birinə çevrilə bilər”, - rusiyalı politoloq iddia edib.

Asif