Qırmızı.az

Bu nəqliyyat vasitələri hərəkətdən kənarlaşdırılacaq - XƏBƏRDARLIQ

5 Fevral 2016 16:25

Azərbaycan Respublikasının ümumi istifadədə olan avtomobil yolları ilə hərəkət edən avtonəqliyyat vasitələrinin qabarit və çəki parametrləri xüsusi icazəyə malik olmalı və həmin xüsusi icazədə göstərilmiş şərtlər və marşrut üzrə hərəkət etməlidirlər. Əks halda, yol hərəkətinin təhlükəsizliyi nəzərə alınaraq həmin avtonəqliyyat vasitələri hərəkətdən kənarlaşdırılacaqlar.

“Azəryolservis” ASC-nin mətbuat xidmətindən Publika.az-a verilən məlumata görə, onların hərəkəti xüsusi icazə alındıqdan sonra və yalnız təyin olunmuş marşrut üzrə bərpa oluna bilər.

Nəqliyyat vasitəsinin icazə verilən qabaritləri Nazirlər Kabinetinin 2009-cu il 07 iyul tarixli 104 nömrəli qərarı ilə təsdiq edilmiş 1 nömrəli cədvəllə müəyyən edilmiş hədləri aşmamalıdır.

Gülnar Əliyeva