Qırmızı.az

Qafqaz Universitetində bu gün təhvil-təslim olacaq

21 İyul 2016 11:36

Bu gün Qafqaz Universitetinin kampusunda təhvil-təslim işləri həyata keçiriləcək. Bundan sonra Qafqaz Universiteti Bakı Ali Neft Məktəbinin rektorluğunun idarəçiliyi altında fəaliyyətini davam etdirəcək.

Bu barədə Publika.az-a Bakı Ali Neft Məktəbinin mətbuat xidmətindən məlumat verilib.

Məlumatda bildirilib ki, bundan sonra universitetdə tədrisin təşkili barədə ictimaiyyəti maraqlandıran suallara yaxın zamanda aydınlıq gətiriləcək.

Qeyd edək ki, bu ilin qəbul planı və yerlər barədə artıq Tələbə Qəbulu üzrə Dövlət Komissiyası tərəfindən jurnal çap olunub. İyulun 29-dan abituriyentlər ixtisas seçimi edəcək. Ləğv olunan Qafqaz Universiteti ilə bağlı tələbələrin necə seçim edəcəyi dəqiq məlum deyil.

Tələbə Qəbulu üzrə Dövlət Komissiyasından Publika.az-a bildirdilər ki, bu dəyişiklik barədə onlara rəsmi məlumat daxil olandan sonra açıqlama veriləcək.

Gülxar