Suriyada əri öldürülən qadının Bakıya qayıtmasının sirri

Azərbaycandan Suriyaya döyüşməyə gedən xəvariclərdən biri haqda şok xəbər əldə etmişik.

Axar.az-a verilən sensasion məlumata görə, terrorçulara qoşulan azərbaycanlı gənc həyat yoldaşını da özü ilə aparıb. Lakin bir neçə ay əvvəl döyüşlərdə öldürülüb. Onun ölümündən sonra arvadı öz dostu ilə evlənib. Onlar bu hadisədən sonra Suriyadan Azərbaycana qayıdıblar.

Xəbərdə bildirilir ki, hazırda ərinin vəhhabi dostu ilə evlənən C.B. adlı qız Bakıdakı zərgərlik mağazalarından birində satıcı kimi çalışır. Əvvəllər sekulyar olan qız gözlənilmədən fanatik islamçıya çevrilib, niqab geyinib. Bu vəhhabinin kimliyi redaksiyamıza bəlli olsa da, onun adını açıqlamağı etik saymırıq. Sadəcə qeyd edə bilərik ki, o, 26-27 yaşlarındadır. Mənbə bildirir ki, onlar Suriyada baş verən dəhşətlərdən sonra geri qayıtmaq qərarı versələr və qətliamlardan uzaqlaşsalar da, təriqətlərini qoruyurlar.

Qeyd edək ki, Suriya torpaqlarında cihad adı altında döyüşən radikal qruplaşmalara qoşulan azərbaycanlılar arasında ailələri ilə birikdə gedənlər də var. Buna dair onlarla fakt göstərmər olar. Sonuncu belə bir nümunə İsmayıllıda güləşçimiz Rəşad Baxşəliyevdir. O, arvadını və körpəsini özü ilə Suriyaya aparıb, orada həlak olub.