Yol polisi “hücum“a keçdi

Martın 29-da Bakı Şəhər Dövlət Yol Polisi İdarəsinin (BŞYPİ) "dayanma!","durma!", "qadağandır!" nişanı olan yerlərdə qanunsuz avtomobil saxlayan sürücülərə qarşı keçirdiyi reyd zamanı 120 protokol tərtib olunub.

BDYPİ-nin bölmə rəisi Vaqif Əsədovun Publika.Az-a verdiyi məlumata görə, Nərimanov, Nəsimi, Səbail, Yasamal rayonlarda küçələri zəbt edib hərəkətə maneə yaradan, sıxlığı artıran avtomobil sürücüləri barəsində inzibati protokol tərtib olunaraq cəzalandırılıblar.

Bölmə rəisi dünən keçirilən reydlər zamanı 30-dan çox avtomobilin sürücüsü yanında olmadığından,"dayanma!", "durma!" nişanının tələblərini pozduğu üçün cərimə meydanına aparıldığını söylədi:"Bəzi sürücülər avtomobillərini onlara rahat olması üçün piyada səkilərində, yolların kənarında, ticarət obyektlərinin qarşısında saxlayaraq hərəkətə maneə yaradırlar. Belə sürücülərə qarşı sərt tədbirlər görüləcək".

Vaqif Əsədov reydlərin paytaxtın digər ərazilərində də davam etdiriləcyini bildirib.

Zülfiyyə Telmanqızı
Publika. Az