Türkiyədə sərnişin təyyarəsi üç yerə bölündü: 3 ölü, 179 yaralı - VİDEO (YENİLƏNDİ)

İstanbulun Səbihə Göyçən hava limanında təyyarənin qəzaya uğraması nəticəsində 3 nəfər həyatını itirib.

Publika.az xəbər verir ki, bu barədə Türkiyənin səhiyyə nаziri Fəxrəddin Qoca məlumat yayıb.

Nazir bildirib ki, hadisə nəticəsində xəsarət alanların sayı 179 isə nəfərə çatıb.

***

05.02.2020 23:54

İstanbulun Səbihə Göyçən hava limanında təyyarənin qəzaya uğraması nəticəsində 1 nəfər həyatını itirib. 157 nəfər xəsarət alıb.

Publika.az xəbər verir ki, bu barədə Türkiyənin Səhiyyə Nazirliyi məlumat yayıb.

***

22:32

İstanbul valisi Ali Yerlikaya Səbihə Göyçən hava limanında baş verən təyyarə qəzası ilə bağlı açıqlama verib.

Publika.az-ın məlumatına görə, o bildirib ki, eniş zamanı layner təqribən 30-40 metr yüksəklikdən yerə çırpılıb. Nəzarətdən çıxan layner 60 metr sürüklənib. Hadisə zamanı göyərtədə 177 sərnişin və 4 heyət üzvü olub. Onlardan 120-si xəstəxanalara yerləşdirilib.

***

19:59

Türkiyənin Nəqliyyat Nazirliyi İstanbulda qəzaya uğrayan təyyarə ilə bağlı məlumat yayıb.

Publika.az xəbər verir ki, hadisə zamanı təyyarədə 177 sərnişin və 6 heyət üzvü olub. Açıqlamaya görə, hələlik tələfat barədə məlumat daxil olmayıb. Lakin 52 nəfər xəsarət alıb. Onlar xəstəxanalara yerləşdirilib.

***

19:41

İstanbuldakı Səbihə Göyçən hava limanında sərnişin təyyarəsi qəzaya uğrayıb.

Publika.az xəbər verir ki, bu barədə DHA agentliyi məlumat yayıb. İlkin məlumatlara görə, İzmir-İstanbul marşrutu üzrə hərəkət edən layner eniş zamanı zolağdan çıxaraq 3 yerə parçalanıb. Ardınca təyyarədə güclü yanğın baş verib. Qeyri-rəsmi mənbələrə görə, hadisə zamanı göyərtədə 171 sərnişin olub.

Tələfat barədə məlumat yoxdur. Yaralıların olduğu deyilir. Qəza səbəbiylə hava limanındakı bütün səfərlər dayandırılıb.

Hadisənin səbəbləri araşdırılır.

Anar Türkeş