Ərdoğan: "Sülhə yol açmaq üçün Putinlə daimi təmasdayam"
Bizi izləyin
Kanon

Region

Ərdoğan: "Sülhə yol açmaq üçün Putinlə daimi təmasdayam"

Türkiyə Prezidenti Rəcəb Tayyib Ərdoğan Kremlin rəhbəri Vladimir Putinlə sıx əlaqədə olduğunu bildirib. O, bunu Ukraynadakı müharibəni bitirmək üçün etdiyini izah edib.

Publika.az "TRT Haber"ə istinadla xəbər verir ki, Ərdoğan bu barədə Madriddə NATO sammitindən sonra keçirilən mətbuat konfransında məlumat verib.

O bildirib ki, Türkiyə Ukrayna ilə Rusiya arasında vasitəçi kimi çıxış edir və humanitar böhranı tez bir zamanda dayandırmaq istəyir. Ərdoğan hesab edir ki, NATO diplomatik qüvvələri cəmləşdirməlidir. Ona görə də müharibənin ilk günlərindən Ukrayna və Rusiya tərəfləri ilə sıx dialoqda olub.

"Rusiya prezidenti Putinlə daimi təmasdayam. Bütün səylərimiz davamlı sülhə yol açacaq addımların atılmasına yönəlib", - Türkiyə prezidenti deyib.

Xatırladaq ki, daha əvvəl Ankara Ukrayna dəniz limanlarının blokadasının açılması ilə bağlı Rusiya ilə uğurlu danışıqlar aparılması ilə bağlı məlumat yaymışdı.

Hüseyn İbadlı

Teqlər
Oxumağa davam et
Reklam
Reklam

Gündəm

Kanon