Çaykovski də belə getdi - Kiyevdən rus bəstəkarı ilə bağlı QƏRAR

Ukrayna Mədəniyyət Nazirliyinin rusifikasiyanın və totalitarizmin nəticələrinin aradan qaldırılması üzrə Ekspert Şurası Kiyevdə yerləşən Milli Musiqi Akademiyasından bəstəkar Pyotr Çaykovskinin adını götürməyi tövsiyə edib.

Publika.az xəbər verir ki, bu barədə nazirliyin saytında bildirilir.

“Ekspert şurası yekdilliklə Ukrayna Milli Musiqi Akademiyasının əməkdaşlarına əmək kollektivinin iclasında P.İ.Çaykovskinin adının ali təhsil müəssisəsindən götürülməsi məsələsinə baxmağı tövsiyə etmək qərarına gəlib”, - deyə Ukrayna Mədəniyyət Nazirliyinin açıqlamasında qeyd olunur.

Qeyd edək ki, iyunun 5-də Ukrayna Mədəniyyət Nazirliyi propaqandist rus ədəbiyyatını kitabxana fondlarından çıxarmaq planlarını açıqlamışdı. Hansı əsərlərin təbliğat xarakterli sayılacağı dəqiqləşdirilməyib.

İyunun 7-də isə Ukrayna təhsil nazirinin müavini nazirliyin “Hərb və sülh” roman-epopeyasını, eləcə də rus qoşunlarını vəsf edən digər əsərlərin məktəb proqramından çıxarılması barədə qərar qəbul etdiyini açıqlayıb.

Səxavət