Region

Ata yeddi yaşlı oğlunu 12 saat GİROV SAXLADI

22 Fevral 2024 21:24

Silahlı atası tərəfindən girov götürülən 7 yaşlı uşaq Ankarada hüquq-mühafizə orqanlarının böyük səyindən 12 saat sonra xilas edilib.

Publika.az xəbər verir ki, bu barədə "Star" qəzeti yazır.

"Psixi problemləri və narkotik aludəçisi olduğu iddia edilən H.V.(35 yaş) oğlu M.E.V.-ni iki həftə əvvəl boşandığı həyat yoldaşı S.U.-ya vermək istəməyərək tapança ilə girov götürüb. H.V-nin yaşadığı yerə polisin xüsusi təyinatlıları, yanğınsöndürmə briqadası və təcili yardım briqadası göndərilib", - qəzet yazır.

12 saatlıq inandırmadan sonra H.V xüsusi təyinatlılara mənfi cavab verib, oğlanı xilas etmək üçün əməliyyat təşkil edilib.

“Atışmadan sonra H.V ayağından yaralanıb və oğluna psixoloji yardım göstərilir”, - deyə qəzet əlavə edib.

Hadisə ilə bağlı araşdırmalara başlanılıb.

Hüseyn İbadlı