Köçəryanın oğlu məhkəmədə: 14 mülkü, 6,9 milyon dolları əlindən alınır
Bizi izləyin
Aptekonline

Region

Köçəryanın oğlu məhkəmədə: 14 mülkü, 6,9 milyon dolları əlindən alınır

Ermənistan prokurorluğu ikinci prezident Robert Köçəryanın böyük oğlu - Sedrak Köçəryanın və onun həyat yoldaşının daşınmaz əmlakını müsadirə etmək istəyir.

Publika.az xəbər verir ki, bu barədə “Sputnik Ermənistan”a nəzarət şöbəsindən bildiriblər.

Söhbət 14 daşınmaz əmlakdan və 2,7 milyard dramdan (6,9 milyon dollar) gedir. Baş Prokurorluq məhkəməyə müvafiq iddia təqdim edib.

Qeyd edək ki, eks-prezident Robert Köçəryan son zamanlar yenidən hüquq-mühafizə orqanlarının diqqət mərkəzinə düşüb. Sentyabrda ölkənin keçmiş rəhbərinə qarşı məhkəmə istintaqı bərpa edilib. O, 2008-ci il martın 1-də baş vermiş faciəli hadisələrdə iştirakda ittiham olunur.

Həmin vaxt prezident seçkilərindən sonra birinci prezident Levon Ter-Petrosyanın başçılıq etdiyi müxalifət səsvermənin nəticələrinə etiraz olaraq aksiyalar keçirib. Martın 1-də keçirilən etiraz aksiyaları İrəvanda iğtişaşlarla nəticələnib və 10 nəfər həlak olub.

Tural

Oxumağa davam et
Reklam
Reklam

Gündəm

Aptekonline