Ərdoğan Putinlə görüşəcək

Xəbər verdiyimiz kimi, Türkiyə Prezidenti Rəcəb Tayyib Ərdoğan Şanxay Əməkdaşlıq Təşkilatının ( ŞƏT ) sammitində iştirak etmək üçün Çinə səfər edib.

Publika.az "Anadolu" agentliyinə istinadla xəbər verir ki, Türkiyə liderinin burada rusiyalı həmkarı Vladimir Putinlə görüşü planlaşdırılıb.

Qeyd edilib ki, dövlət başçısını Esenboğa hava limanında vitse-prezident Cevdet Yılmaz və Ankara valisi Vasip Şahin də daxil olmaqla rəsmi şəxslər yola salıblar. Sentyabrın 1-də isə Çinin Tiencin şəhərində Ərdoğan sammitin genişləndirilmiş iclasında çıxış edəcək və digər dövlətlərin liderləri ilə görüşlər keçirəcək.

Şanxay Əməkdaşlıq Təşkilatı(ŞƏT) 2001 - ci ildə Çin, Rusiya, Qazaxıstan, Qırğızıstan, Tacikistan və Özbəkistan liderləri tərəfindən Şanxayda yaradılmış beynəlxalq təşkilatdır. Terrorizm, ekstremizm və narkotiklərin qanunsuz dövriyyəsi ilə mübarizə və ticarət-iqtisadi əlaqələrin inkişafı ilə məşğuldur.

Hazırda ŞƏT-ə 10 ölkə daxildir: təsisçi dövlətlərdən əlavə, Belarus, Hindistan, İran və Pakistan.

Hüseyn İbadlı