İranda daha 53 etirazçı saxlanıldı

İranın Semnan vilayətində polis 53 etiraz iştirakçısını saxlayıb.

Publika.az xəbər verir ki, bu barədə "Tasnim" agentliyi xəbər yayıb.

Ətraflı məlumatı bölgənin hüquq-mühafizə orqanlarının icraçı komandiri Əli Mirahmadi verib.

“Polisin həyata keçirdiyi kəşfiyyat-əməliyyat nəticəsində Damqan rayonunda 53 etirazçı və qiyamın əsas liderləri aşkar edilərək həbs edilib”, - o bildirib.

Xatırladaq ki, 2025-ci ilin dekabrında İranda milli valyuta - iran rialının dəyər itirməsi fonunda genişmiqyaslı kütləvi etirazlar baş qaldırıb. Hökumət buna cavab olaraq təhlükəsizlik tədbirlərini gücləndirib, polis isə etirazçıları qarşısını almaq üçün gözyaşardıcı qaz və ölümcül silahlardan istifadə edib.

İran rəsmiləri hadisələrdə xarici qüvvələri günahlandırır.

Əlavə olaraq, ABŞ Prezidenti Donald Tramp iranlıları etirazları davam etdirməyə çağırıb və “yardım artıq yoldadır” deyə açıqlama verib. Bununla yanaşı, Tramp əvvəlcə Amerika gəmilərinin İrana doğru hərəkət etdiyini də bildirib.