Türkiyənin cənubunda üç zəlzələ baş verdi - YENİLƏNDİ

Oktyabrın 4-də Türkiyənin cənubundakı Adana və Osmaniyə əyalətlərində 4,8, 4,9 və 5,2 bal gücündə zəlzələlər baş verib.

Publika.az Türkiyənin Fəlakət və Böhran İdarəetmə Qurumuna (AFAD) istinadla xəbər verir ki, ilk zəlzələ yerli vaxtla saat 14:19-da Adana əyalətində qeydə alınıb, 4,8 bal gücündə zəlzələnin episentri Saimbeyli rayonunda olub.

On yeddi dəqiqə sonra eyni ərazidə 4,9 bal gücündə zəlzələ, yerli vaxtla saat 14:43-də isə qonşu Osmaniyə əyalətinin Sumbas rayonunda 5,2 bal gücündə zəlzələ qeydə alınıb.

Tələfat və ya dağıntı barədə məlumat verilməyib.

xxx

16:51

Türkiyənin Osmaniye vilayətinin Sumbas rayonunda 5,2 bal gücündə zəlzələ baş verib.

Publika.az xəbər verir ki, bu barədə Türkiyə Daxili İşlər Nazirliyinin Fəlakət və Fövqəladə Halların İdarə Olunması Baş İdarəsi (AFAD) məlumat yayıb.

Yeraltı təkanlar Adana vilayətindəki zəlzələlərdən sonra, yerli vaxtla saat 14:43-də qeydə alınıb. Zəlzələ ocağının yerin 7 kilometr dərinliyində yerləşdiyi bildirilir.

15:47

Türkiyənin Adana əyalətində 4,8 bal gücündə zəlzələ olub.

Publika.az xəbər verir ki, bu barədə Türkiyə Daxili İşlər Nazirliyinin Fəlakət və Fövqəladə Halların İdarə Olunması Baş İdarəsi (AFAD) məlumat yayıb.

Saimbəyli rayonunda baş verən zəlzələnin ocağı 7,99 kilometr dərinlikdə yerləşib.

Xəsarət alanlar və dağıntılar barədə məlumat verilməyib.