İranda etiraz dalğası: Qadınlar hicablarını yandıraraq rejimə qarşı çıxdılar - VİDEO

İranda məcburi hicab qaydalarına və qadın azadlıqlarının məhdudlaşdırılmasına qarşı yönəlmiş etiraz aksiyaları 22 yaşlı Məhsa Əmininin 16 sentyabr 2022-ci il tarixində əxlaq polisləri tərəfindən saxlanılaraq qətlə yetirilməsindən sonra yeni mərhələyə qədəm qoyub.

Publika.az xəbər verir ki, ölkənin müxtəlif şəhərlərində küçələrə axın edən yüzlərlə nümayişçi sərt geyim məhdudiyyətlərinə və dövlət müdaxiləsinə karşı kəskin etirazını bildirib.

Aksiyalardan yayılan kadrlarda qadınların toplaşan kütlənin alqışları və dəstək şüarları altında baş örtüklərini (hicabları) yandıraraq havaya qaldırdıqları görülür. Nümayişçilər məcburi hicab qaydalarının ləğv olunmasını, fərdi azadlıqların təmin edilməsini və qadın hüquqlarına qoyulan məhdudiyyətlərə son qoyulmasını tələb edirlər.

1979-cu ildən bəri tətbiq edilən məcburi hicab qaydalarına karşı qadınların atdıqları bu addımlar, ölkə miqyasında getdikcə genişlənən xalq hərəkatının və vətəndaş itaətsizliyinin əsas simvoluna çevrilib.