Sağlamlıq
Dəri hüceyrələrini yeniləyən kokteyl reseptləri
Smuzi qida dəyəri yüksək, sağlamlığa faydalı içkiyə deyilir. O, müxtəlif bitkilərdən, meyvə-tərəvəzlərdən hazırlanan qatı kokteyldir. Smuzi yüksək lif, minerallar və vitaminlər ehtiva edir, xüsusilə də həzm sistemi üçün çox faydalıdır. İsti havalarda smuziyə buz əlavə edərək sərinləşdirici kimi də içilir. Çox yüngül və doydurucu olan smuzi tərkibindəki zəngin antioksidantlar sayəsində dəri hüceyrələrini yeniləyir.
Publika.az bir neçə smuzi reseptini təqdim edir:
Çuğundurlu və giləmeyvəli smuzi (qatı kokteyl)
1 porsiyası: 297 kalori, 5 qram yağ, 57 qram karbohidrat, 6 qram lif, 41 qram şəkər, 8 qram zülal ehtiva edir.
Ərzaqlar:
2 yemək qaşığı qatıq
1/2 stəkan təzə sıxılmış portağal suyu
1 kasa dondurulmuş və ya təzə giləmeyvə
2 yemək qaşığı yulaf əzməsi
1/2 çuğundur (50 qram)
1 çay qaşığı bal
2-3 buz qəlibi
Hazırlanması:
Çuğunduru çiy ya da yarıbişmiş halda istifadə etmək olar. Bütün ərzaqları blenderdən keçirin. Bu içkini çox saxlamaq olmaz. Ümumiyyətlə, smuzi hazırlanan kimi içilməlidir.
Tropik kokteyl
1 porsiyası: 140 kalori, 0,6 qram yağ, 34,8 qram karbohidrat, 3,6 qram lif, 22 qram şəkər, 2 qram zülal ehtiva edir.
Ərzaqlar: (2 porsiya)
1 ədəd banan
1/2 stəkan təzə sıxılmış portağal suyu
1/2 kasa doğranmış ananas
1/2 stəkan hindqozu suyu
1 çay qaşığı cökə çay
Təzə nanə
Hazırlanması:
Bütün ərzaqlar püre halına gələnə qədər yaxşıca qarışdırın. Nanə yarpaqları ilə bəzəyib için. Sarı rəng vermək və ya qida dəyərini artırmaq üçün qarışığa bir çay qaşığı sarıkök də əlavə edə bilərsiniz.
Kivili və moruqlu smuzi
1 porsiyası: 198 kalori, 2 qram yağ, 43 qram karbohidrat, 5,8 qram lif, 32 qram şəkər, 4,4 qram zülal ehtiva edir.
Ərzaqlar: (3 porsiya)
2 ədəd kivi
1 stəkan təzə və yadondurulmuş moruq
1 stəkan təzə sıxılmış portağal suyu
1 stəkan soya südü
2 çay qaşığı çia toxumu
Hazırlanması:
Kivinin qabığını soyub, 4 yerə bölüb bütün ərzaqlarla birlikdə blenderdən keçirin. Moruq dənələri ilə bəzəyib təzə halda için.
Qırmızı bibər, yerkökü və pomidor kokteyli
1 porsiyası: 59 kalori, 0,6 qram yağ, 11 qram karbohidrat, 3,3 qram lif, 7,3 qram şəkər, 1,8 qram zülal ehtiva edir.
Ərzaqlar: (1 porsiya)
1 ədəd orta boy yerkökü
1/3 qırmızı bibər
1 ədəd pomidor
1/2 limonun suyu
Hazırlanması:
Limon istisna olmaqla bütün ərzaqları kobud şəkildə doğrayıb blenderdən keçirin. Limonu sıxıb üzərinə tökün. Əgər acı bibər sevirsinzisə, üzərinə acı qırmızı bibər, ya da acı sous əlavə edə bilərsiniz.
Ədviyyatlı yaşıl smuzi
1 porsiyası: 148 kalori, 0,7 qram yağ, 35 qram karbohidrat, 8 qram lif, 22 qram şəkər, 4 qram zülal ehtiva edir.
Ərzaqlar: (2 porsiya)
1 ədəd yaşıl alma
1 ədəd portağal
1/2 xiyar
1 kiçik limon
1 fındıq dənəsi qədər zəncəfil
1 ovuc təzə yaşıl noxud
1 stəkan su
Hazırlanması:
Almanı iki yerə bölüb tumunu çıxarın. Zəncəfil, portağal və limonun qabığını soyun. Blenderə əvvəlcə əvvəl suyu tökün. Daha sonra üzərinə digər ərzaqları əlavə edin və blenderdən keçirin. Qatı hala gələndə stəkanlara boşaldıb için.
Aytən
-
Kriminal12:41
Müdafiə Nazirliyində 143 milyonluq mənimsəmə: daha bir nəfər saxlanıldı
-
Dünya12:01
İngiltərə Ukraynaya “yaşıl işıq” yandırdı: Bizim silahlarla Rusiyanı vur
-
Nida Xəbər 11:04
Bu xəstəxananın vəzifəli şəxsləri SAXLANILDI - Görün nə qədər vəsait mənimsəyiblər
-
Magazin109:51
“Çörək tapmamışıq, anam qonşuya yemək üçün yalvarıb” - Aysundan etiraf
-
Cənubi Qafqaz09:21
İrəvan Almatıda Bakıya təslim olacaq – Ermənistanda nədən qorxurlar? - VİDEO
-
İdman09:00
Ronaldo ilk futbol klubunu 117 milyon dollara SATDI
-
Sosial07:17
Bu gün yağış yağacaq, külək əsəcək - PROQNOZ
-
Avropa06:46
Bu qadın 32,9 kq çəkisi olan sazan tutaraq REKORD QIRDI - VİDEO