Koronavirusdan qorunmaq üçün neçə anticisim olmalıdır?

"Orqanizmdə koronavirusa qarşı neçə anticism xəstəliyi yüngül keçirməyə kömək edir.

Publika.az xəbər verir ki, bunu virusoloq, Rusiya EA-nın müxbir üzvü Sergey Netesov 360 telekanalına müsahibəsində deyib.

"Bir sıra elmi məqalələrə görə, əgər anticisim səviyyəsi 500-dən çoxdursa, o zaman 99% əmin olmaq olar ki, "delta" ştammına yoluxarsa, adam xəstəliyi ağır keçirməyəcək və öləməyəcək", - Netesov deyib.

Həkim bildirib ki, immun cavabının səviyyəsini təyin edən test sistemlərinin həssaslığı bir-birindən fərqlənir, onların yuxarı həddi 500 anticisimdən başlayır və 7000-ə çatır.

"Yəni 500-dən yuxarı anticisim yaxşıdır, 200-dən aşağıdırsa, vaksin vurdurmaq gərəkdir", - mütəxxəssis bildirib.

Bundan öncə həkim-immunoloq Mariya Polner koronavirus aşkarlandıqdan sonra immunitetin stimullaşdırılmasının nəticələrindən danışıb. Onun sözlərinə görə, immunitet preparatlarla stimullaşdırılarsa, o zaman immun sisteminin reaksiyası nəzarətdən çıxa bilər: sistem orqanizmin hüxeyrələrini "düşmən" kimi qəbul edə bilər, nəticədə hətta sitokin şoku əmələ gələrək xəstəliyin gedişatını ağırlaşdıra bilər.