Kökəldir, saç tokülür, rəng dəyişir - Bu element olmayanda

Dəmirin bədəndəki rolunu yüksək qiymətləndirmək çətindir, lakin ümumilikdə çox faydalı mikroelementdir.

Publika.az xəbər verir ki, bu sözləri endokrinoloq Roman Teruşkin “Gazeta.ru”ya müsahibəsində deyib.

O, bildirib ki, bu maddənin çatışmazlığı xarici görünüşə də ciddi təsir edir. Onun sözlərinə görə, bu çatışmazlıq zamanı ən çox görülən əlamətlərdən biri dəri solğunluğu və gözlərin altında əmələ gələn qara dairələrdir. Həmçinin dərinin quruluğu, soyulmasını və ağızın künclərində çatların əmələ gəlməsi də dəmir çatışmazlığının əlamətləri hesab olunur.

“Dəmir səviyyəsinin əhəmiyyətli dərəcədə azalması ilə gözlərin sklerası mavi rəngə çevrilə bilər. Dəmir çatışmazlığı nəticəsində bədən xroniki hipoksiyaya məruz qaldığından, insan artıq çəki almağa və köklüyə meylli ola bilər. Eyni zamanda arıqlamaq çətinləşir. Saçların keyfiyyəti də pisləşir”, - deyə Teruşkin qeyd edib.

Həkim əlavə edib ki, dəmir çatışmazlığı orqanizmin qidalanmasını, bütün orqan və sistemlərin oksigenlə təchizatını pozur. Buna görə də saçlar həssaslaşa və tökülə bilər. Proses dəmir mikroelementlərinin səviyyəsinin bərpa edilməsindən sonra dayanır. Həkim yekunda bildirib ki, bu hal uzun müddət davam edərsə, bədəndə dəmir çatışmazlığı anemiyası inkişaf edə bilər.

Sonda dəmirlə zəngin olan bəzi qidaları nəzərinizə çatdırırıq:

1. Qabıqlı dəniz məhsulları
2. İspanaq
3. Qaraciyər və digər daxili orqan ətləri
4. Paxlalılar
5. Qırmızı ət
6. Balqabaq toxumu
8. Hindi əti
9. Brokoli
10. Tünd şokolad
11. Balıq

Aytən Məftun