Sağlamlıq
Şaurma, yoxsa burger? - Dietoloq hansının daha faydalı olduğunu AÇIQLADI
Evdə hazırlanan şaurma balanslaşdırılmış qidalanmanın bir hissəsi ola bilər. Mağazadan alınan fastfudun isə tərkibinin nədən ibarət olduğunu və sanitar qaydalara əməl edilib-edilmədiyini hər zaman müəyyənləşdirmək mümkün deyil.
Publika.az xəbər verir ki, bu barədə dietoloq Larisa Nikitina Pravda.ru-ya açıqlamasında bildirib.
Mütəxəssisin sözlərinə görə, şaurmanın üstünlüyü onun tərkibinə daxil olan məhsullara nəzarət etmək imkanının olmasıdır. Adətən bu yeməyə ət, tərəvəz və lavaş daxildir. Hazır burgerlərin tərkibi isə qeyri-şəffaf ola bilər. Məsələn, bəzən pendir bitki yağları olan məhsulla əvəz edilir, kotletin keyfiyyətini isə alıcı üçün qiymətləndirmək çətin olur.
Bundan əlavə, ət məhsullarında konservantların və digər əlavələrin həddindən artıq olması sağlamlıq üçün arzuolunmazdır.
“Şaurma düzgün hazırlanarsa və sanitar normalara əməl olunarsa, onun tərkibi kifayət qədər sadə olur: ət, doğranmış tərəvəzlər və lavaş. Buna görə də burgerlə müqayisədə daha üstün fastfud seçimi ola bilər”, - deyə Nikitina qeyd edib.
Ekspert hazır yemək alarkən əsas riskin gigiyena qaydalarının pozulması ilə bağlı olduğunu vurğulayıb. Qida infeksiyalarına yoluxma ehtimalını azaltmaq üçün şaurmanı evdə hazırlamağı tövsiyə edib.
Onun sözlərinə görə, bunun üçün sobada bişirilmiş ətdən, təzə tərəvəzlərdən, qatıq və ya xama əsasında hazırlanmış sousdan istifadə etmək, əlavə nişasta qatmaqdan çəkinmək lazımdır. Yeməyin hazırlanması üçün nazik lavaşdan istifadə etmək olar. Onu dondurucuda saxlamaq mümkündür.
Ekspert tərəvəzləri yeməyi hazırlamazdan dərhal əvvəl doğramağı məsləhət görüb. Onun sözlərinə görə, xüsusilə sous əlavə edilmiş dünənki salat artıq təhlükəli ola bilər.
Müəllif: Valeh
-
Sosial14:54Sabiq deputatın əmlakları milyonlarla manata satışa çıxarılır
-
İdman14:06Cazibədar basketbolçu soyundu: Ceyms Bondun sevgilisi olmaq istəyir - FOTO
-
Rəsmi xronika13:52Əliyev Vyetnamın Milli Assambleyasının sədri ilə görüşdü - YENİLƏNDİ
-
Rəsmi xronika12:36Vyetnamın Azərbaycanda səfirliyi açılacaq
-
Nida Xəbər 11:21Media müsabiqələrində YENİLİK
-
Elm və təhsil10:40Rektor təyin olunan Məleykə Abbaszadədən ilk açıqlama: “Böyük vədlərlə başlamaq istəməzdim”
-
Yaxın Şərq10:28NATO Türkiyənin təhlükəsizliyini təmin edə bilmədi - Fidandan vacib açıqlama
-
Nida Xəbər 10:13“Atlant”ın rəhbəri öldü - FOTO











.jpg)









.png)















.png)
