Bu insanlarda demensiya yaranma riski yüksəkdir

Britaniya və Hollandiya alimləri araşdırma aparıblar və belə nəticəyə gəliblər ki, 15 spesifik faktor demensiyanın erkən inkişaf riskini göstərə bilər.

Publika.az xəbər verir ki, onların təcrübələrinin nəticələri "JAMA Neurology" jurnalında dərc olunub.

Tədqiqat üçün mütəxəssislər 2006-2010-cu illərdə Britaniya Biobank məlumat bazasını təhlil ediblər. Nəticədə 65 yaşdan kiçik və o zaman hələ də demans əlamətləri olmayan 356 052 nəfər eksperimentin iştirakçısı olub. Elm adamları onları 2021-ci ilə qədər izləyiblər və bu müddət ərzində 485 demans hadisəsini qeydə alıblar.

Eyni zamanda, mütəxəssislər xəstəliyin inkişafına ən çox təsir edən amilləri müəyyənləşdiriblər. Məsələn, bu xəstəlik ən çox təhsil səviyyəsi aşağı olan insanlarda baş verib. İqtisadi vəziyyət və genetik meyl də xəstəliyin inkişafına təsir göstərib.

Siyahıya həmçinin alkoqoldan tamamilə imtina, həddindən artıq içki qəbulu, sosial təcrid, D vitamini çatışmazlığı, yüksək səviyyəli C-reaktiv protein, əldə gücünün azalması, eşitmə zəifliyi, hipotenziya, insult, diabet, ürək-damar xəstəlikləri və depressiya daxildir.

Aytən