Qaraciyəri məhv edən içki: nə pivədir, nə araq

Sidrdən sui-istifadə qaraciyər sirrozuna və mədəaltı vəzi nekrozu adlanan dağıdıcı prosesin inkişafına səbəb ola bilər.

Publika.az xəbər verir ki, bu sözləri cərrah Aleksandr Umnov "Lenta.ru"ya deyib.

O, bildirib ki, alkoqol faizi 4-5 faiz olsa da, sidr çox zərərli xüsusiyyətlərə malikdir.

"Sidrin yüksək karbonatlaşması səbəbindən mədə xorası və qastritin inkişafı və kəskinləşməsi mümkündür. Mədədə xlorid turşusunun sintezi də artır, bu da orqanların divarlarına zərər verir. Bundan əlavə, tez-tez sidr içmək qaraciyər sirrozu və mədəaltı vəzi nekrozuna səbəb olur. Qaraciyər və mədəaltı vəzini təkcə araq və pivə məhv etmir", - müsahibəsində həkim qeyd edib.

Həkim xatırladıb ki, hamilə qadınlar və uşaqlar sidr içməməlidirlər, çünki bu, orqanizmdə patoloji mutasiyaları təhrik edir, həmçinin sinir sisteminin, qaraciyərin və qan dövranının gənc hüceyrələrinin ölümünə səbəb olur. Bundan əlavə, bu içkiyə aludəçilik diabetin inkişafını təhdid edir.

Sidr həm də sidikqovucu xüsusiyyətə malikdir, ona görə də onu istehlak etmək sidik sistemi xəstəliklərini pisləşdirir. Eyni zamanda, kalium və natrium kimi vacib mikroelementləri bədəndən çıxarır və bu da öz növbəsində ürək ritmini pozur. Sidr uzun müddət açıq qalarsa, oksidləşir, buna görə də zəhərlənmə riski də yüksəkdir.

Aytən