Sağlamlıq
O dikdabanı çıxaranın...
Zahiri görünüşündən, maddi durumundan, həyat tərzindən asılı olmayaraq, heç bir qadının qarderobunu dikdaban ayaqqabısız təsəvvür eləmək mümkün deyil. Gündəlik həyatda idman üslubuna üstünlük verən xanımların belə dolabında “gözmuncuğu” adına, toya-nişana geyinmək üçün nəzərdə tutulmuş bir cüt dikdabanı var. Bəs bu naraat amma gözəl “dabanların” həyatımıza necə daxil olduğunu, hansı məqsədlə yaradıldığını və hazırkı funksiyasına necə çatdığını bilirikmi?
Ata minmək üçün dikdaban...
“Kabluk” – dabanı yer səviyyəsindən qaldırmaq funksiyası daşıyan
şaquli dayaqdı. Çoxlarımız bu sözün dilimizə rus dilindən keçdiyini
düşünsək də, əslində “kabluk” – mənşəcə ərəb sözüdü: “kab” – daban
deməkdir. Hesab edilir ki, kabluk ilk dəfə atla gəzinti üçün
nəzərdə tutulmuş çəkmələrdə ayağın üzəngidən çıxmasını əngəlləmək
məqsədilə istifadə olunub. Hərçənd kabluk haqqında ilk qeyd
eramızdan 4000 il əvvələ təsadüf edir!!!
Əkinçi ayağından gözəl qadın dolabına
Sizcə, bu estetik daban harda yarana bilərdi: təbii ki, Misirdə.
Qədim Misirdə ayaqqabını papirusdan hazırlayırdılar. Onları
geyinmək lüksünə ancaq Firon və onun yaxınları sahib idilər. Hündür
dabanlı ayaqqabıları isə əkinçilər geyinirdilər. Bu tip dabanlar
sayəsində onlar boş torpaqda rahat gəzə bilirdilər. Yəni qadınlar
geyimlərinin və ən vacib detallarından biri olan, zahiri
görünüşlərinə şarm qatan hündürdabanlı ayaqqabıların - kablukun
yaranmasına görə məhz əkinçilərə təşəkkür eləməlidilər!
Aktyorların və fahişələrin ayaqqabısı – platforma!
Hazırda dəbdə olan platforma dabanların “doğum tarixi” isə
eramızdan 200 il əvvələ aiddi. Platformaların əsas istifadəçiləri
Roma aktyorları idi - bu cür dabanlar onların səhnədə daha hündür
görünməsinə kömək eləyirdi. Artıq bu dövrdə romalılar
ayaqqabılarını çələnglərlə bəzəməyə, müasir dillə desək, onlara
dizayn verməyə başladılar.
Hündür dabanlı ayaqqabıların inkişafında yüngül əxlaqlı qadınların
da böyük xidməti var: Çəkməçilər onların ayaqqabılarına mısmarları
elə vururdular ki, keçdikləri yerlərdə “arxamca gəl” yazılmış izlər
qalırdı.
Lakin bu yeniliklərin, demək olar ki, heç biri kütləvi xarakter
daşımır, yalnız cəmiyyətin müəyyən qrupları – aktyorlar, küçə
qadınları, süvarilər – arasında və konkret məqsədlərlə istifadə
olunurdu.
Səlib yürüşləri və rahat səndəllər dövrü bitdi – yaşasın
dikdabanlar!
Orta əsrlərdə - səlib yürüşlərinin bitdiyi, Avropada mədəniyyətin
yarandığı, dəbdəbəli sarayların tikildiyi dövrlərdə geyim də öz
funksiyasını dəyisib həyat tərzinin göstəricisinə çevrildi və
ayaqqabı da bu dövrdən öz nəsibini aldı. Rahat, yüngül səndəllər
bahalı materiallardan hazırlanmış, qiymətli daşlarla bəzədilmiş
ayaqqabılara çevrilməyə başladı.
1154-1189 - Kral II Henri uzunburun ayaqqabı modasını yaratdı.
Bəzən ayaqqabının burnunun uzunluğu 60-70 sm-ə çatırdı.
1189-1199 - Ayaqların üzəngidən çıxmaması üçün kabluklu ayaqqabılar
meydana çıxdı.
1215- Parisdə uzunburun ayaqqabılar geyinməyi qadağan edən qanun
qəbul edildi. Yalnız Kraliyyət ailəsinin üzvləri belə ayaqqabılar
geyə bilərdilər. Bu isə onlara qarşı ciddi paxıllıq yaradırdı.
1500- hündürdaban ayaqqabılar populyarlıq qazanaraq kütləvi şəkildə
istifadə olunmağa başladı. Intibah dövründə qadınlar sonradan
kabluka çevrilən taxta platformaların üstünə çıxdılar. Daha çox
Ispan və italyan qadınları arasında məşhur olan platforma və
kablukların hündürlüyü 20 dyümə (60,96sm!!) çatırdı. Belə
ayaqqabılar “chopines” adlanırdı. Onları geyinmək, üstündə yeriyə
bilməkdən ötrü xanımların- nə az, nə çox- düz iki köməkçiyə ehtiyac
vardı.
Tarixdə “Qanlı Meri” təxəllüsü ilə qalmış Mariya Tüdor mümkün
olduğu qədər hündür kabluk geyinirdi.
IX əsrin əvvəllərində artıq hər iki cinsin nümayəndələri kabluk
geyinirdi.
“Luinin hündür kablukları”
1660 –cı Fransada kral taxtına oturan və XIV Luiyə çevrilən çəkməçi
Nikolas Lestaj ata –baba peşəsini də unutmur, krallıqdan qalan boş
vaxtlarında hündürlüyü 12 sm olan ayaqqabılar düzəldir və onları
döyüş səhnələri ilə bəzəyirdi. “Luinin hündür kablukları” adlanan
bu ayaqqabılar qadınlar arasında çox məşhur idi.
Həmçinin bu dövrdə xanımların ətəyi yerlə sürünən donları bir qədər
qısalır ki, bu da qızlara öz ayaqqabılarını göstərməyə imkan verir.
Rokoko dövründə tufliləri krujeva və lentlərlə, qiymətli daşlar və
bahalı məxmərlə bəzəməyə başlayırlar. Ayaqqabılar tam bir sənət
əsərinə çevrilir.
1793 – Fransa kralı Luinin sevimlisi Madam Pampadurun çox kiçik
ayaqları vardı və onun sayəsində “Pampadur” adlanan dar kabluklu
ayaqqabılar dəbə minir. Belə ayaqqabıları geyinə bilmək üçün
qadinlar pəncələrini iplə sarıyıb ayaq ölçülərini kiçildirdilər.
Ancaq Fransa inqilabı ərəfəsində kablukların şöhrəti qəfildən
azalır
Bu yerdə bir haşiyə çıxaq: Bizim dövrümüzdə də qızlar ayaqlarını
sevimli tuflilərinin ölçüsünə uyğunlaşdırmaq üçün hər əməliyyata
hazırdırlar. ABŞ cərrahları hətta öz fanatik xəstələrinin
ayaqlarının balaca barmaqlarını da kəsirdilər.
1794- Amerikada ilk pərakəndə ayaqqabı mağazası açılır. Eyni dövrdə
ayaqqabıya kabluk yapışdıra bilən maşınlar kəşf olunur.
1800- Yenə inqilab ərəfəsi olduğuna görə düz dabanlı səndəl və
çəkmələr yenidən populyarlaşır. Bu dövrdə ayaqqabılar nazik
dərialtlı baletkalara bənzəyir. Bunda Napoleonun rolu az deyildi.
Onun boyu hündür deyildi və yeni dəb ona özünü təsdiqdə kömək
edirdi.
1904 - Britaniya ixtirası olan Pump (qayıqşəkilli ayaqqabılar)
Amerikaya qədər gedib çıxır və bütün ayaqqabı mağazalarını
doldurur.
Və nəhayət – iynə kabliklar...
1950- italyan modelyer Salvatore Ferrqamo məşhur iynə kablukları
ixtira edir. O, kabluklarda dayaq kimi uzun polad
stilet-sterjenlərdən istifadə eləməyi məsləhət görür. İtaliyada
hündür nazik dabanlar populyarlaşır. Nazik burunlu ayaqqabılar
yenidən dəbə minir.
Indi heç bir qız özünü istər kiçik, istərsə də 15 sm-lik iynə
kabluklu ayaqqabısız təsəvvür edə bilmir. Əlbəttə, daha rahat
olduğü üçün çoxları bəzən baletka, yaxud düz altlı ayaqqabılara
üstünlük verirlər. Ancaq kabluklu ayaqqabıda hər qadın özünü daha
əmin və seksual hiss edir.
Sahilə Aslanlı
Publika.Az
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR