Səhiyyə

Ürək böhranından qorunmaq üçün TƏK ÜSUL

18 İyun 2023 03:13

Tibb elmləri doktoru, professor, kardioloq Ulf Landmesser infarktdan necə qorunmalı olduğunu izah edib.

Publika.az xəbər verir ki, o, bu barədə "Focus"a müsahibəsində bildirib.

Landmesser infarktdan qaçmağın yolunu açıqlayıb və dörd amili sadalayıb. Onun fikrincə, böhranın qarşısını almaq üçün qan təzyiqi, aşağı sıxlıqlı lipoproteinlər (LDL) və orqanizmdə şəkər səviyyəsinə nəzarət etmək lazımdır. Həmçinin ailə tarixi ilə də tanış olmaq vacibdir.

“Bütün bunlar bu gün öhdəsindən gələ biləcəyimiz risk faktorlarıdır. Nə qədər tez əks tədbirlər görülsə, bir o qədər yaxşıdır”, - deyə ekspert vurğulayıb.

Kardioloqun sözlərinə görə, infarkt xroniki iltihabi xəstəlikləri olan insanları təhdid edə bilər. Belə xəstələr yuxarıda göstərilən göstəricilərə görə xüsusilə diqqətlə izlənilməlidir.

Landmesser risk faktorunu müəyyən etmək üçün 40 yaşdan yuxarı insanlar üçün müntəzəm, hərtərəfli müayinələri tövsiyə edib.

Hüseyn İbadlı