Alimlərdən şad xəbər: Xərçəngə qarşı yeni dərman ümid verdi

ABŞ-da alimlərin üzərində çalışdıqları yeni xərçəng dərmanı ümid yaradıb.

Publika.az xəbər verir ki, araşdırma aparan qrup hazırlanan yeni dərmanı mutasiyaya uğramış zülalın xərçəng hüceyrəsinə çevrilməsinin qarşısını alacaq “qar fırtınası” ilə müqayisə edib.
Alimlər xərçənglə mübarizədə yeni mərhələnin keçə biləcəklərini açıqlayıblar. "City Hope" təşkilatı 20 ildir üzərində işlədiyi dərmandan ilk dəfə müsbət nəticələr əldə edildiyini bildirib. Los-Anceles klinikasında çalışan elm adamları tərəfindən hazırlanmış dərman bir çox xərçəng növlərinə səbəb olan zülalı hədəf alır.

Hazırlanan dərmanın iş prinsipləri haqqında məlumat verən prof.Dr.Sönməz bildirib ki, inkişaf edən dərman indiyə qədər preklinik mərhələdə idi:

“Bu mərhələ siçanlar və itlər üzərində tədqiqatları əhatə edir. Dərmanın xərçəng hüceyrələrinə təsiri öyrənilib. PCNA adlı bir protein var. Xərçəng hüceyrələrində bu protein üzərində mutasiya var. Bu dərman bizim PCNA adlandırdığımız antigeni hədəf alır.

Normal olaraq PCNA adlandırdığımız antigenlə bağlı çoxlu araşdırmalar yoxdur. Bu çox vacib bir antigendir, çünki mutasiyadan sonra DNT adlandırdığımız xromosomların ötürülməsi spiralının təkrarlanmasına məsuldur. Həm də şişlərin böyüməsi ilə əlaqəli bir protein. Bu dərmanla PJNA antigenini hədəf alan bir araşdırma aparıldı”.

Araşdırmaya görə, dərman 70-ə yaxın xərçəng növündə təsirli ola bilər. Dərman bərk şişlərdə də sınaqdan keçirilib, həmçinin müalicəsi çox çətin olan süd vəzi, prostat, beyin, yumurtalıq, uşaqlıq boynu və kiçik hüceyrəli ağciyər xərçənglərində preklinik mərhələdə təsirli olduğu müəyyən edilib.

Aysel Şahmar