Oftalmoloq kirpik uzadan qadınlara XƏBƏRDARLIQ ETDİ

Oftalmoloq Anna Rusanovskaya qadınlara kirpik uzatmağın gözlərə təhlükəli təsiri barədə xəbərdarlıq edib.

Publika.az xəbər verir ki, o, bu barədə "Говорит Москва" radiostansiyasının efirində bildirib.

Həkim prosedur zamanı keratit inkişaf riskinin olduğunu söyləyib. O əlavə edib ki, kirpiklərin uzanması konjonktivitə səbəb ola bilər.

Qeyd edək ki, konyunktivit gözun selikli qişasının iltihabıdır. Bu xəstəlik gözün qızarması, qıcıqlanması və yad cisim hissiyyatı ilə özünü büruzə verir.

Həmçinin, səhərlər göz qapaqlarının yapışması və müxtəlif xarakterli ifrazat ilə (irin, selik və s.) müşahidə olunur.

Bunlardan başqa, göz qapaqlarının və selikli qişanın şişməsi, yaşaxma və işığa həssaslıq müşahidə oluna bilir.

Xatırladaq ki, bir müddət əvvəl plastik cərrah İlyana Qonçarova buruna dolguların vurulmasının təhlükəli olduğunu demişdi. Mütəxəssisin fikrincə, bu tip görünüşün korreksiyası dərmanın qəbulu texnikası pozulduğu və dozası düzgün olmayan halda görmə itkisinə səbəb ola bilər.

Hüseyn İbadlı