Bizi bu havalar xəstə etdi

Payız gəldi. Mövsümi dəyişikliklər tez-tez bir çox yoluxucu xəstəliklərə səbəb olur. Havaların istiləşməsi ilə əlaqədar mədə-bağırsaq problemləri artdığı halda, havalar soyuduqca virus və bakteriyaların yaratdığı mövsümi qrip daha da artır. Mütəxəssislər hətta psixi sağlamlığımızın mövsümi keçidlərdən daha çox təsirləndiyinə diqqət çəkirlər. Yay bitdi, indi payızdayıq. Yavaş-yavaş havanın sərinliyini hiss etməyə və yarpaqların yaşıllığının yerini sarı, narıncı, qırmızı kimi payız rənglərinə verdiyini görməyə başladıq. Bu proseslər zamanı günəş işığı, ultrabənövşəyi şüalanma, temperatur, yağış və rütubət kimi təbii amillərdə dəyişikliklər baş verir.

Publika.az xəbər verir ki, bütün bunlara paralel olaraq ekoloji faktor olan bu keçid dövründə orqanizmimiz yeni mövsümi normalara uyğunlaşmağa çalışır və bütün bunların nəticəsində müxtəlif xəstəliklərə yoluxma hallarında dəyişikliklər baş verir və xəstəliyə yoluxma ehtimalımız artır.

Daxili Xəstəliklər Mütəxəssisi Dr. Gülnar Zeynalova mövsümi keçidlərdə xəstəliklərdən qorunmaq üçün təkliflər verib:

“Mövsümi dəyişikliklər tez-tez cəmiyyətdən qaynaqlanan bir çox yoluxucu xəstəliklərin yaranmasına səbəb olur. Temperatur, günəş işığı, yağış, külək və rütubət kimi mövsümi və ekoloji amillərin dəyişməsi birbaşa olaraq yoluxucu xəstəliklərin sayının artması ilə bağlıdır. Məsələn, havaların istiləşməsi ilə əlaqədar mədə-bağırsaq problemlərinin artması gözlənilir. Havalar soyuduqca virus və bakteriyaların səbəb olduğu mövsümi qrip gözlənilir”.

Həkim mövsümi xəstəliklərdən qorunmaq üçün görülməli olanları tədbirləri sadalayıb:

1. Qəlyanaltını qaçırmadan sağlam və müntəzəm yeyin.

2. Bol su içmək.

3. Mineral və vitaminlərlə zəngin mövsümə uyğun tərəvəz və meyvələrdən istifadə edin.

4. Zərərli vərdişlərdən, xüsusilə siqaret və spirtdən uzaq durun.

5. Müntəzəm yatın.

6. Təmiz havada idman edin və bol-bol gəzin.

7. Peyvəndlərinizi vaxtında edin.

8. Yaxşı havalandırılan, təmiz mühitlərdə qalın.

9. Öskürərkən və asqırarkən ağzınızı və burnunuzu bağlayın, əllərinizi tez-tez yuyun və əl dezinfeksiyaedici vasitələrdən istifadə edin.

10. Həkiminizlə məsləhətləşin və lazım gələrsə qida əlavələri, sink, propolis, qara ağcaqayın, C vitamini, D vitamini və maqnezium əlavələri qəbul edin.

Fəsillərin dəyişməsi ilə orqanizmimiz bu fərqliliyə müxtəlif şəkildə reaksiya verə bilir. Tədbir görülməsə, bəzi xəstəliklərə yoluxma ehtimalımız artır. Narahatlıq, əsəbilik, əhval dəyişikliyi, qidalanma pozğunluğu, nəfəs darlığı, döş qəfəsində sıxılma, halsızlıq, yorğunluq, səbəbi bilinməyən əzələ və oynaq ağrıları, ürəkbulanma, ishal, qarın ağrısı, səhər bulanması, oyanmaqda çətinlik, gecələr yata bilməmək, burun axıntısı, postnazal damlama, gözlərdə və ya qulaqlarda qaşınma, dəri döküntüsü, soyulma, baş ağrısı, saç tökülməsi, dırnaq qırılması kimi simptomlar ola bilər.

Aysel Şahmar