Səhiyyə

Ayaqda qıcolmalar nəyin əlamətidir? - FOTO

27 Sentyabr 2023 06:16

Nebraska Universitetinin alimləri ayaqlarda qıcolmaların ortayaşlı insanlarda sağlamlığın pisləşməsinin əlaməti olduğunu bildiriblər.

Publika.az xəbər verir ki, limlər orta yaşı 46,5 olan 294 xəstədə ayaq qıcolmalarının yayılması və xüsusiyyətlərini qiymətləndiriblər. İstirahət və ya məşq zamanı ayağında qıcolma baş verən insanlar ümumi iştirakçıların 51,7%-ni təşkil edib və orta yaşları 49,1 olub. Qeyd edək ki, hesabat verənlərin 72%-ni qadınlar təşkil edib.

Xəstələr arasında qıcolmanın şiddəti 1-dən 10-a qədər olan şkala ilə orta hesabla 5,6 qeydə alınıb və yuxu pozğunluqları xəstələrin 55%-də müşahidə olunub. Onlardan əksəriyyəti orta hesabla dörd il ərzində qıcolmalardan əziyyət çəksələr də, bununla bağlı həkimə müraciət etməyiblər.

Qıcolmanı araşdıranlar ayaq qıcolmalarının sağlamlığın zəifləməsi, fiziki hazırlığın azalması və yaxud sürətlənmiş qocalmanın əlaməti olduğunu bildiriblər.