Bədənimizdəki "bakteriya yuvası" - Təmizləməsəniz, ciddi fəsadları olar

Bədəninizin təmizliyi ilə bağlı qaçırdığımız məqamlar ola bilər. Bunlardan biri də göbəkdir. Göbək təmizliyinə çox vaxt diqqət yetirilmir. Bəs bu vəziyyət hansı problemlərə səbəb ola bilər?

Publika.az xəbər verir ki, duş qəbul edərkən göbəyi yumaq lazımdır. Xüsusən də yay aylarında. Havalar isindikcə və daha çox tərlədikdə göbəyiniz bakteriyaların yuvasına çevrilə bilər. Onu yumaq və dəri problemlərindən qaçmaq üçün bir dəqiqə vaxt ayırmaq kifayətdir. Sabun və su dərinizin hər qarışında möcüzələr yaratsa da, göbəyinizi təmizləyərkən almalı olduğunuz bir neçə əlavə məsləhət var. Həftədə bir neçə dəfə qarın nahiyəsindən olan çirki təmizləmək lazımdır.

Duş qəbul etməzdən əvvəl pambıq çubuğunu spirtə batırın göbəyinizi silin. Tam təmiz olana qədər dəfələrlə silin. Sonda isə başqa bir pambıq çubuq götürüb, su ilə silmək lazımdır.

Bəs bu niyə vacibdir?

Təmizlənməyən bir göbək piy və ölü dəri hüceyrələrini yığa bilər. Nəticədə "omfalolit" yarada bilər. Zamanla onlar qaralır və göbəyiniz təmizlənmədikdə pis qoxu da yarana bilər.

Aysel Şahmar