İnfarktın qarşısını bu cür almaq mümkün olacaq

Rusiyada infarktın qarşısını almaq üçün yeni üsul hazırlanıb.

Publika.az "RİA Novosti"yə istinadən xəbər verir ki, samaralı alimlər qan damarlarının elastikliyini qiymətləndirmək və infarktın qarşısını almaq üçün yeni üsul hazırlayıblar.

Belə ki, mütəxəssislərin fikrincə, qan damarlarının divarları nə qədər sərt olarsa, insan təzyiq artımlarına və ürək xəstəliklərinə bir o qədər həssas olar.

“Mayer dalğaları adlanan qan təzyiqinin vaxtaşırı dəyişməsi arterial damarların elastikliyində dəyişikliklərə səbəb ola bilər ki, bu da ürək dərəcəsinin əlavə dəyişkənliyinə gətirib çıxara bilər. Məhz bu fərq damar divarlarının uzanma qabiliyyətinin göstəricisidir”, - Samara Universitetinin lazer və biotexniki sistemlər kafedrasının dosenti Aleksandr Fedotov deyib.

Məlumata görə, yeni üsul tibbdə istifadə olunan ultrasəs və rentgen diaqnostika sistemlərinə əsaslanan instrumental üsullardan daha ucuzdur.

Tədqiqat "Biomedical Engineering" jurnalında dərc olunub.

Mehti Kamiloğlu