Çox işləmək bizi öldürəcək: Həkimdən açıqlama

Həkim qanın qatılaşmasını ölümə səbəb olan "həyat səhvi" adlandırıb.

Publika.az rus mətbuatına istinadən xəbər verir ki, kardioloq, tibb elmləri namizədi Anna Koreneviç şəxsi "Telegram" kanalında qəfil ölüm hallarının çox vaxt qan laxtasının ayrılması ilə əlaqəli olduğuna diqqət çəkib. Həkim qeyd edib ki, qan laxtasının qopmasının səbəbi qanın qalın konsistensiyasıdır, onun incəlməsi lazımdır.

"Qan damarlarda düzgün dövr etməzsə, ürəyə əlavə stress yarada bilər və bu, bədəndə müxtəlif problemlərə yol açar. Nəticədə tromboflebit, angina pektorisi, infarkt və digər həyati təhlükə yaradan vəziyyətlərin inkişaf riski artır. Hətta siqaret çəkməyən və spirtli içki içməyən insanlar da risk altında ola bilər.

Trombozun qarşısını almaq üçün riskləri azaltmaq lazımdır və bunun üçün yalnız kifayət qədər fiziki fəaliyyət və düzgün bəslənməni təmin etmək deyil, həm də tez-tez stressdən qaçmaq, özümüzü kifayət qədər istirahətlə təmin etmək vacibdir. Çox işləmək, istirahət üçün az vaxt sərf etmək tromboza səbəb ola bilər", - tibbi ekspert vurğulayıb.

Mehti Kamiloğlu