Səhiyyə

Şəkərli diabeti 10 saniyəyə müəyyənləşdirəcək yeni kəşf

23 Oktyabr 2023 11:07

Süni intellekt 10 saniyəyə şəkərli diabet diaqnozu qoyur.

Publika.az xarici mediaya istinadən xəbər verir ki, süni intellekt qan analizi olmadan 10 saniyə ərzində 2-ci tip şəkərli diabetin diaqnozunu qoya biləcək. Bu barədə kanadalı alimlərin tədqiqatlarına istinadən məlumat yayılıb.

Bildirilir ki, xəstəliyi tanımağı öyrətmək üçün neyroşəbəkəyə həm tam sağlam insanlar, həm də şəkərli diabet xəstələri tərəfindən danışılan eyni ifadəni dəfələrlə dinləməyə icazə verilib. Nəticədə akustik avadanlıq insan nitqinin yüksəkliyində və intensivliyində incə dəyişiklikləri aşkarlaya bilib.

Böyük miqdarda məlumatın təhlili süni intellektə diaqnoz qoymağı "öyrətmək" üçün əsas olub. Maraqlıdır ki, bu metodun diaqnostik dəqiqlik səviyyəsi kişilər arasında 89%, qadınlar arasında isə 86% təşkil edib. Acqarına qlükoza səviyyəsi üçün qan testinin dəqiqliyinin 85% olduğu müəyyənləşib.

Qeyd edək ki, dünyada 400 milyondan çox insan şəkərli diabetdən əziyyət çəkir və hər ikinci insan onun diaqnozundan xəbərsizdir. Tərtibatçılar hesab edirlər ki, onların texnologiyası diabetin kütləvi skrininqi üçün sadə və sərfəli alətə çevrilə bilər.

Məlumat üçün bildirək ki, dünyada 400 milyondan çox insan şəkərli diabetdən əziyyət çəkir və hər ikinci insan onun diaqnozundan xəbərsizdir.

Mehti Kamiloğlu