Göbələkdən zəhərlənmə halları niyə artır? - VİDEO

Göbələk zəhərlənmələrinin sayı artıb.

Publika.az Xezerxeber.az-a istinadən xəbər verir ki, Zaqatalanın Aşağı Tala kənd sakini, 2008-ci il təvəllüdlü Aysun Hikmət qızı Mehdiyeva ağır zəhərlənmə diaqnozu ilə Bakıya gətirilib.

Anası deyir ki, övladı göbələyi sevdiyindən onun işdən gəlməyini gözləməyib. Özü təmizləyərək bişirib və dərhal halı pisləşib. Valideynləri onu əvvəlcə Zaqatala rayon Mərkəzi Xəstəxanasına aparıblar. Məktəblinin səhhətini ağırlaşdığından o, 3 gün əvvəl Bakıya Kliniki Tibbi Mərkəzin reanimasiya şöbəsinə yerləşdirlib.

Nahidə Mehdiyava deyir ki, meşə göbələyindən evlərində dəfələrlə yeyilib, ilk dəfədir belə halla qarşılaşıblar.

Klinik Tibbi Mərkəzin Toksikologiya şöbəsinin müdiri Azər Maqsudovun sözlərinə görə, zəhərlənmə prosesi göbələk yedikdən bir gün sonra belə baş verə bilər.

Zəhərlənmə zamanı mədə nahiyəsində ağrılar, baş gicəllənmə, baş ağrı, getdikcə sarılıq əlamətləri başlayır. Qaraciyər və böyrək funksiyası pozulur. İlkin tibbi yardım tədbirləri kimi mədə və bağırsaqları təmizləmək, zərərçəkmişə aktivləşdirilmiş kömür vermək və ən qısa zamanda toksikoloji mərkəzə çatdırmaq vacibdir.

Son bir ay ərzində Qax və Zaqatala bölgəsində göbələkdən zəhərlənmə diaqnozu ilə 30 nəfər xəstəxanaya göndərilib. Mütəxəssisin sözlərinə görə, insanlar meşədən toplanılmış göbələyi yeməməli, göbələk alarkən mütləq diqqətli olmalıdırlar. Yeməli göbələyin içərisinə bir tək zəhərli göbələyin qarışması belə bütün ailənin zəhərlənməsinə və məhvinə səbəb ola bilər.

Azər Maqsudov qeyd edib ki, marketdə satılan, qablaşdırılmış göbələklər zərərsiz hesab edilir. Lakin, məhsulu alarkən etiket məlumatları, yəni saxlanma tarixi mütləq nəzərdən keçirilməlidir.

Ətraflı süjetdə: