Xərçəngə qarşı perspektivli yeni müalicə üsulu tapıldı

"Virginia Tech"in alimləri xərçəng üçün perspektivli yeni bir müalicə üsulu tapıblar.

Publika.az xəbər verir ki, tədqiqatın nəticələri "Cancer Discovery" jurnalında dərc olunub.

Alimlərin fikrincə, MRTX1719 adlanan dərman genetik dəyişiklikləri olan xərçəng hüceyrələrini hədəf alır - CDKN2A şiş bastırıcı gen və MTAP geninin olmaması. Bu mutasiyalar hüceyrələrin nəzarətsiz böyüməsinə imkan verə bilər, lakin MRTX1719 xərçəngi aradan qaldırmaq üçün bu zəiflikdən istifadə edir.

Sınaqlar zamanı alimlər bəzi xərçəng növləri, o cümlədən melanoma, öd kisəsi xərçəngi, mezotelioma və ağciyər xərçəngi olan xəstələrdə müsbət nəticələr göstərə biliblər.

Oktyabrın 19-da bildirilib ki, Pitsburq Universitetinin alimləri iki müxtəlif üsulla şişlərlə mübarizə aparmaq üçün immun sistemini aktivləşdirən xərçəng əleyhinə dərmanı sınaqdan keçiriblər: rezistent şişləri olan xəstələrin 34%-i müalicəyə cavab verib.

Bundan əvvəl Ostin Texas Universitetinin amerikalı alimləri immun sisteminin xərçənglə mübarizə qabiliyyətini bərpa edən PEG-MTAP adlı bioloji məhsul hazırlayıblar .

Hüseyn İbadlı