Uğur Şahin dünyanın gözlədiyi müjdəni verdi: Xərçəng peyvəndi bu tarixdə hazır olacaq

Peyvəndlərin köməyi ilə pandemiyanı geridə qoyan dünyaya daha bir ümidverici xəbər Uğur Şahindən gəldi. Koronavirusa (Covid-19) qarşı peyvənd istehsal edən şirkətinin xərçəng araşdırmalarından danışan Şahin, xərçəng peyvəndi üçün tarixi açıqlayıb.

Publika.az xəbər verir ki, 2019-cu ilin son günlərində Çinin Uhan şəhərində ortaya çıxan koronavirus qısa zamanda qlobal pandemiyaya çevrildi, milyonlarla insanın həyatına son qoydu. Dünya korona vaksinlərinin köməyi ilə pandemiyanı geridə qoyarkən Almaniyadan şad xəbər gəldi. Korona peyvəndini də istehsal edən "BionTech"in qurucusu Uğur Şahin şirkətinin xərçəng araşdırmalarından danışıb.

Alman mətbuatına açıqlama verən Şahin xərçəng peyvəndi üçün tarix verib:

“2025-2029-cu illər arasında bir sıra digər terapevtik yanaşmalar üçün tədqiqat məlumatları əldə etməyi planlaşdırırıq. Xərçəngə qarşı ilk fərdiləşdirilmiş mRNT əsaslı peyvəndlər 2030-cu ildən əvvəl təsdiq oluna bilər. Xəstədən qan və şiş nümunələri alırıq və 4 həftə sonra fərdi peyvəndi veririk”.

Aysel Şahmar