Səhiyyə

Şaurmadan kütləvi zəhərlənmə: 14 nəfər...

28 Noyabr 2023 15:20

Buryatiyada sakinlər kütləvi şəkildə şaurmadan zəhərlənib. Həkimlər 14 nəfəri təcili xəstəxanaya yerləşdiriblər.

Publika.az xəbər verir ki, bu barədə "Rospotrebnadzor"un Rusiya regionu üzrə idarəsinin saytında məlumat verilib.

Zəhərlənmə hadisəsi Cidinski rayonunun Petropavlovka kəndi ərazisində qeydə alınıb. Kənd sakinləri “Lavaşda Şauarma” köşkündən aldıqları şaurmaları yedikdən sonrea hamısının halı pisləşib. Hadisə yerinə dərhal tibb briqadası gəlib.

Şauarmadan zəhərlənənlərə “salmonellyoz “diaqnozu qoyulub. "Rospotrebnadzor" hadisənin səbəblərini araşdırmağa başlayıb və şaurma satış məntəqəsinin fəaliyyəti dayandırılıb. Köşkdə sanitar-epidemioloji tələblərin kobud şəkildə pozulması halları aşkar edilib.

Cəmilə