Saç tökülməsinin əsas səbəbləri AÇIQLANDI

"Saç tökülməsinin əsas səbəblərindən biri genetik meyl və hormonal təsirdir. Bu, həmçinin stress, infeksiyaların olması, müəyyən dərmanların qəbulu, pis qidalanma və bir sıra digər amillər fonunda baş verə bilər".

Publika.az xəbər verir ki, bunu SM-Cosmetology şirkətinin kosmetoloqu və trixoloqu Elvira Doroş deyib.

Həkim qeyd edib ki, hər bir insan saç tökülməsinin bu və ya digər səbəbi ilə üzləşir. Nə qədər ki, görünən keçəlliyə səbəb olacaq qədər nizamlı deyil, təbiidir.

"Orta hesabla, bütün halların təxminən 90% -i genetik meyl və hormonal təsirlərə bağlıdır. Həddindən artıq miqdarda androgenlər saç follikullarına mənfi təsir göstərir, incəlmə daha çox frontal və parietal zonalarda müşahidə olunur. Tədricən, saç tökülməsi başın bütün səthinə yayıla bilər, bədən tükləri isə tam olaraq qalır", - Doroş bildirib.

Onun sözlərinə görə, saç tökülməsinin səbəblərindən biri də stressdir:

"Stress hormonlarının təsiri kiçik damarların spazmına və nəticədə qan tədarükünün pozulmasına səbəb olur. Qidalanma və oksigen çatışmazlığı yaşayan saç kökləri və saç böyüməsi prosesini ləngidir. Bu səbəbdən saçlar lazımi qədər qidalanmır, nazikləşir, qırılır və tökülür.".

Eyni zamanda, o, düzgün olmayan, pis qidalanmanın, oruc tutmağın, vitamin və mineralların çatışmazlığının oxşar təsirə səbəb ola biləcəyinə diqqət çəkib.

Onun sözlərinə görə, saç tökülməsinin digər ümumi səbəbləri arasında: ağır kəskin və ya xroniki infeksiyalar (xüsusilə qızdırma, metabolik və trofik proseslərlə), müxtəlif baş dərisi xəsarətləri (yanıqlar, kəsiklər), müəyyən dərmanların qəbulu, degenerativ proseslər, ətraf mühit amilləri var.

"Saç tökülməsi ilə qarşılaşırsınızsa, müayinə üçün trixoloqa müraciət etməlisiniz. Bu gün həkimlərin arsenalında qalan tükləri qoruyub saxlayacaq və yenilərinin böyüməsini stimullaşdıracaq müxtəlif terapevtik və cərrahi üsullar var", - Doroş yekunlaşdırıb.

Hüseyn İbadlı