Səhiyyə

Bu xəstəlik artıq ölümcül deyil

2 Dekabr 2023 04:50

Dünya Səhiyyə Təşkilatının (ÜST) məlumatına görə hazırda erkən diaqnozla QİÇS dövrünə keçidin qarşısını almaq mümkündür.

Publika.az xəbər verir ki, dünyada QİÇS və HİV infeksiyası haqqında ictimaiyyəti məlumatlandırmaq məqsədilə 1 dekabr 1988-ci ildən “Ümumdünya QİÇS-lə Mübarizə Günü” kimi qeyd edilir.

Son illərdə elmin inkişafı nəticəsində HİV xəstəliyinin müalicəsində xeyli uğurlar əldə edilib. Xəstəlik artıq ölümcül xəstəliklər kateqoriyasına aid edilməyib və xroniki xəstəliklər sinfinə daxil edilib.

Birləşmiş Millətlər Təşkilatının QİÇS-lə Mübarizə İcmasının ən son bəyanatında HİV-ə yoluxmuş insanların təxminən 45 faizinin öz xəstəliklərindən xəbəri olmadığı bildirilir. Bu, çox böyük və vacib göstəricidir.

HİV-in qarşısının alınması üzrə fəaliyyət planı 3 mərhələdən ibarətdir. Xəstələrin 95 faizinə diaqnoz qoyulur, hamısı müalicə olunur. Əsas məsələ diaqnozdur. Xəstələr diaqnoz qoyulduğu gündən müalicə proqramına daxil edilir.

Aysel Şahmar