Səhiyyə

Bu bostan bitkisi epidemiyaya səbəb oldu: 8 nəfər öldü - QƏTİYYƏN YEMƏYİN

9 Dekabr 2023 18:00

Xarab qovunun səbəb olduğu salmonella epidemiyası nəticəsində ABŞ-da 3, Kanadada 5 olmaqla 8 nəfər ölüb.

Publika.az xəbər verir ki, yüzlərlə insan xəstəxanalara yerləşdirilib.

ABŞ Xəstəliklərə Nəzarət və Qarşısının Alınması Mərkəzlərinin (CDC) verdiyi açıqlamada, noyabrın ortalarından bəri 38 ştatda 230 nəfərin salmonella epidemiyasından təsirləndiyi bildirilir.

Açıqlamada xəstələrdən 96-nın xəstəxanaya yerləşdirildiyi, 3 nəfərin dünyasını dəyişdiyi qeyd olunur. Kanada səhiyyə rəsmiləri isə ölkədə 129 yoluxma hadisəsinin olduğunu və xəstəxanaya yerləşdirilən 44 nəfərdən 8-nin öldüyünü açıqlayıb.

CDC xəstəliyin mənbəyinin bazarlarda kəsilərək satılan bostan məhsulları, xüsusən də qovunun olduğuna diqqət çəkərək, xalqı mənşəyi məlum olmayan bostan məhsullarını almamağa və istehlak etməməyə çağırıb.

Aysel Şahmar