21-ci əsr yaddaşsızlar əsri kimi bitə bilər: 2050-ci ilə qədər...

Demensiya kimi tanınan xəstəlik bir çox koqnitiv funksiyalarda daimi və mütərəqqi pozulmalara səbəb olur. İnsanın gündəlik həyat fəaliyyətini ciddi şəkildə çətinləşdirən bir sindromdur.

Publika.az xəbər verir ki, demensiya ən çox görünən səbəbi Alzheimerdir. Bu xəstəlik xüsusilə 65 yaşdan yuxarı şəxslərdə tez-tez rast gəlinir. Hesablamalara görə, 2050-ci ilə qədər demensiyanın halları Avropada iki dəfə, bütün dünyada isə üç dəfə artacaq.

Alzheimer xəstəliyinin ən çox rast gəlinən növü demansiyadır. Son 10 ildə bu xəstəliyin erkən diaqnozunda əhəmiyyətli irəliləyişlər əldə edilib. Qan testləri, onurğa-beyin mayesində ölçülən biomarkerlər, genetik testlər və beyin görüntüləmə üsulları kimi qabaqcıl texnikalarla Alzheimer xəstəliyini digər demans növlərindən ayırd etmək və xəstənin düzgün müalicəsini planlaşdırmaq olar. Bundan əlavə, perspektivli dərman müalicəsi ilə bağlı intensiv tədqiqatlar hələ də davam edir.

Sağlam həyat tərzini mənimsəmək beyin sağlamlığını qorumaq üçün vacibdir.

Aysel Şahmar