Alimlərdən unikal  ixtira: yeməkdən əvvəl ud və arıqla

Vibrasiya sayəsində toxluq hissi yaradan həb ixtira edilib.

Asan yolla arıqlamaq hər kəsin arzusu olsa da, bəzən bu elə arzu olaraq da qalır. Kədərlənməyə dəyməz, alimlər bu problemin həllini tapmaq üçün vibrasiyalı həblər hazırlayıblar.

Publika.az xəbər verir ki, yeməkdən əvvəl udulan bu dərman toxluq hissi yaradır.

İnsan üzərində lazımi sınaqlar hələ ki, həyata keçirilməsə də, ilk təcrübə artıq donuzlar üzərində aparılıb. Məlum olub ki, həbləri udduqdan yarım saat sonra donuzlar yedikləri qidanın miqdarını orta hesabla 40 faiz azaldıblar.

Alimlərin sözlərinə görə bu həb mədədəki gərginlik reseptorlarını aktivləşdirir və bu da orqanizmin orada qida varmış kimi hərəkət etməsinə səbəb olur.

Araşdırmalara görə, vagus siniri vasitəsilə beynin hipotalamusuna göndərilən siqnallar toxluq hissi yaradır və aclığı yatıran hormonların səviyyəsini artırır.

Udulmuş kapsulda batareyanın yaratdığı vibrasiya ya taymer, ya da mədə turşusunun tabletin ətrafındakı membranı məhv etməsi ilə baş verir. Alimlər bu batareyanın ayaqyoluna getməklə normal və problemsiz çıxarıla biləcəyini iddia edirlər. Elm adamlarının sözlərinə görə böyük bir vitamin ölçüsündə olan həb əməliyyatsız və müvəqqəti müalicə rolunu oynayacaq.

Cəmilə