İnsan beyninin ən aydın görüntüsü yayımlandı - FOTO

Fransa Atom Enerjisi və Alternativ Enerji Agentliyi (CEA) dünyanın ən güclü maqnit rezonans görüntüləmə (MRT) cihazı ilə əldə edilən insan beyninin ən aydın görüntüsünü yayımlayıb.

Publika.az xəbər verir ki, "Iseult" adlı MRT cihazı ilə çəkilmiş beyin şəklinin 20 ildən çox davam edən araşdırma nəticəsində əldə edildiyi bildirilib.

Araşdırmalar çərçivəsində MRT cihazı son bir neçə ayda 20 sağlam könüllü üzərində sınaqdan keçirilib. Ən aydın beyin görüntüsü təxminən 4 dəqiqə ərzində əldə edilib.

Tesla maqnit gücünə malik olan "Iseult" MRT aparatı ilə qısa müddətdə çəkilən görüntülərin xəstəxanalarda istifadə edilən cihazlarla əldə edilməsinə çox vaxt sərf edilə biləcəyi qeyd edilib.

"Iseult" layihəsinin və CEA-nın prezidenti Nikolas Boulant bununla bağlı açıqlama verib. Bildirilib ki, keyfiyyətli məlumat əldə etmək üçün araşdırmalar daha bir neçə il davam edəcək:

“Məqsədimiz 2026-2030-cu illər arasında şizofreniya və bipolyar pozğunluq kimi neyrodegenerativ xəstəlikləri araşdırmaqdır. Bir çox xəstəliklər araşdıralacaq. "Iseult" MRT cihazı ilə əldə edilən ultra ətraflı anatomik məlumatların alzheimer və parkinson kimi xəstəliklərin diaqnozuna kömək edəcəyi gözlənilir”.

Aysel Şahmar